11/12/2017

CICLOCRÓS PORRIÑO

 Crónica de Pedro Mantiñán:
"A borrasca non freou a os corredores na localidade pontevedresa do Porriño, nun renovado circuíto no velódromo municipal. A chuvia e o barro estiveron presentes durante toda a mañán, realzando a esencia do ciclocrós. Gran traballo dos organizadores nun circuíto espectacular.
Pola parte da peña participou Pedro Mantiñán".


08/12/2017

CICLOCROS CONCELLO DE PONTEVEDRA




" Turrar ". Ese sería o resumo deste cx do hipódromo de Campañó, moi preto da cidade de Pontevedra. A xa característia acumulación de desniveis deste circuito, sumouse a tan solicitada choiva. O circuito voltou entón pesado nas suas zoas de campa, que son unha mezcla de terra de monte con area e con herba, e esbaradizo no tramo de monte. Moi esixente polo tanto, polos continuos trocos de ritmo, acrecentados pola tralla a mover en cada volta, que se ía facendo moito mais dura ca anterior.

Pola PC Monte Xalo participaron; Quique en M50, Yiyo, Manolo, Manteiga e Julio en M40, Pedro en M30, e Sergio en Elite.






06/12/2017

XXXI TROFEO CICLOCRÓS CONCELLO DE BOIRO



Un ano mais, a xente de Boiro organizou o seu cx. Circuito clásico cas súas variantes por mor de novas construccións e equipamento lúdico na zona. Moi mellorado na zoa de praia, incluíndo novos tramos de prado e de area solta, xa preto da beira do mar.









Xornada moi moi fría, con 5º C por debaixo do 0 en moitos puntos do desprazamento o Barbanza, que logo foi tornando nun día moi claro, manténdose aínda temperaturas moi baixas.


Por parte da PC Monte Xalo participaron Quique en M50, Yiyo, Manolo e Julio en M40, Pedro en M30, e Sergio en Elite. Parte do continxente compartiu xantar con antigos compañeiros do cc Cambre, no xa tradicional restaurante do Camping Barraña, onde tan amablemente nos acollen cada vez que alí facemos parada.

04/12/2017

III TROFEO CICLOCRÓS TROFEO DE VIVEIRO





Estaba anunciado, e non defraudou, frío a raudales neste ciclocrós que os compañeiros da Peña Lar organizan en Viveiro. Xa de camiño a costa lucense o testigo de tª do coche anunciaba valores inferiores o 0ºC, e así foi, polo menos a primeira hora, durante o quecemento e as primeiras mangas.




Circuito mellorado, respecto de outras edicións, con maior tramo de area e un curveo mais racional e rápido dentro do parque Penas Peón.








Pola PC Monte Xalo, participaron Quique en M50, Yiyo e Julio en M40, Javi e Pedro en M30, e Sergio en Elite.

03/12/2017

II TRAIL MOSTEIRO DE CAAVEIRO

Crónica de Ricardo Louro:
"O pasado dia 19 acerqueime ata o concello de A Capela para participar no II Trail Mosteiro De Caaveiro, como sempre escollin o trail curto (12Qm con 1200 m de desnivel acumulado).O percorrido do trail transcurre polas Fragas  Do Eume  polo que xa por percorrer a zona val a pena, a organizacion do trail
perfecta pois a sinalización estivo correcta e avituallamientos copiosos."
https://www.relive.cc/view/1281766035

28/11/2017

GALA DO DEPORTE. CONCELLO DE CAMBRE 2017

 A PC Monte Xalo quere agradecer o Concello de Cambre o seu recoñecemento a nosa labor da promoción do deporte, na gala celebrada o pasado 24 de novembro. Este evento é un reforzo mais para poder seguir traballando no fomento das actividades deportivas relacionadas co ciclismo.

27/11/2017

I CICLOCRÓS TROFEO CONCELLO DE CULLEREDO



O auxe desta modalidade invernal do ciclismo, trouxo de novo o ciclocrós o recinto da Laboral. Excepcional e vistosísimo circuito nas campas que forman parte deste complexo adicado o ensino, e o deporte. Moita asistencia de corredores e público nunha fría mañá que espertaba con 0º , para despois ir dando apertura a un soleado día. Circuito maioritariamente seco, aínda que esbaradizo nas zoas húmidas pola xeada do día, e polas choivas das xornadas anteriores. Pola PC Monte Xalo participaron; Quique en M50, Yiyo, Juan, Manolo e Julio en M40, Pedro e Javi en M30, e Sergio en Elite. Como xogabamos na casa, o desprazamento de compañeir@s e amigos do clube, foi importante. Qué gusto da escoitalos ánimos de voces coñecidas. Sempre nos da ese plus de empuxe, que fai que melloremos nas clasificacións habituais. Ogallá se siga mantendo esta proba, porque é un espectáculo deportivo moi importante na mariña coruñesa.

26/11/2017

ESPAZO LIBRE DE VIOLENCIA MACHISTA

#CambreEnNegro #ContraAsViolencias #GaliciaEnNegro.
A PC Monte Xalo sumámonos sin ningún xénero de dúbidas a calquera campaña que contribúa a erradicar todo tipo de violencia.

23/11/2017

I CICLOCRÓS POIO MÓVESE

Un novo circuito pasaba a formar parte do calendario do OPEN galego. Os do clube de Poio, non defraudaron, e aproveitando unha aberta e bonita zoa lúdico-deportiva da que dispoñen a carón do mar xa moi preto de Combarro, diseñaron un bon e rápido circuito, chan na súa maior parte, metendo uns taludes moi ben trazados aproveitando a depresión que forma o pequeno río que desemboca alí mesmo no mar. Área moi ben equipada, en canto a aparcadoiro e vestiarios.


Entorno e día espectacular, cun diferencial de temperatura de ate 20º, e un sol radiante no ceo, mais propio de outras datas.

Fenomenal iniciativa que esperemos sexan capaces de manter para anos vindeiros, porque merece ben a pena correr alí. Pola PC Monte Xalo participaron Quique en M50, Manolo, Manteiga, Yiyo, e Julio, Pedro en M30, e Sergio en Elite.

22/11/2017

XIX TROFEO MONTE DE EIRAS. O ROSAL

Crónica de Pedro Mantiñán: "Nunha tarde coa temperatura mais propia da primaveira que de mediados do mes de novembro, celebrouse o ciclocrós do Rosal. As subidas técnicas e as zoas de area resultaron determinantes no circuito diseñado polo Clube Ciclista O Rosal na Praia das Eiras, o que provocou que tiveramos que baixarnos das bicis en varias ocasións, resultando sen dúbida un dos percorridos mais duros do que levamos de tempada.
Pola parte da peña ciclista Monte Xalo participamos Kike e Pedro."

19/11/2017

VIII INIERNO DEL BULLO

Crónica de Jorge Fernández "Yiyo":
"O pasado día 4 de Novembro disputouse en Toral de los Vados a VIII edición do Infierno del Bullo.
Iba xa co sobreaviso de que era unha ruta BTT espectacular tanto polo percorrido como polos organizadores, o Acojonante Team.
Asi que desplaceime a dita localidade en compaña dunhos amigos de Betanzos ca idea de disfrutar dunha xornada de BTT de aunténtico luxo, e non defraudou.
Compre destacar que os meus amiguetes finalizaron a ruta montados nas suas single speeds, algo moi meritorio polo que a organizción recompensounos cunhos agasallos.
Vistas espectaculares con avituallamentos de alta cociña jajaja...
Percorrido de 40 Qm con 1700 m de desnivel positivo. Despois disfrutamos dun suculento xantar a base de cocido.
Ruta 100% recomendable que con toda seguridade repetirei. "

16/11/2017

CARREIRA POPULAR 5 QM LEYMA CORUÑA

 
Crónica de Ricardo Louro:
"Este domingo acerqueime cun grupo de amigos ata Coruña para participar nos 5Qm leyma, a verdade que non ía de todo convencido pola  falta de adestramento pero xa na carreira as sensacions non foron tan malas , unha proba  recomendable  para calquera  nivel dado a sua distancia."

13/11/2017

XVII TROFEO CONCELLO DE SANTIAGO CICLOCRÓS


De novo, este ano os compañeiros de Santiago organizaron carreira de cx. Mesmo escenario e circuito que estes anos anteriores, na campa anexa o estadio de San Lázaro. Circuito moi ben coidado e marcado, con bon acceso e servicios para deportistas, acompañantes e público.






Xornada con ameaza constante de choiva, pero aguantando ate o final de todalas mangas, sen caelo líquido elemento. Iso sí, terreo húmedo e esbaradizo que acentuaba a condición técnica dun circuito con moito curveo e raices vivas das árbores que o salpican





Pola PC Monte Xalo participaron; Quique en M50, Manolo, Yiyo e Julio en M40, Pedro e Javi en M30, e Sergio en Elite, co apoyo loxístico e ánimos de Félix, Chechu e Hugo.






Moi boa xornada polo tanto en Santiago ca maior parte dos crosser do Xalo disfrutando dun entretido circuito que voltará a formar parte do calendario da presente campaña, xa que é o designado para albergalo campionato galego da especialidade no día de fin de ano, o que a bon seguro voltaremos a repertir.