29 de abr. de 2014

IX TROFEO BTT CONCELLO DE ARTEIXO. OPEN GALLEGO


Estas son as impresións do noso compañeiro Jesús Díaz Mella, representante da PC Monte Xalo na proba de btt disputada no Concello de Arteixo, na categoría de M30 valedera para o open galego. A destacar o seu magnífico sexto posto, sobre todo tendo en conta que se trataba do seu debut na modalidade. Bravo Jesús ¡¡¡

"Este ano animeime a federarme e facer ficha en Master 30 coa P. C. Monte Xalo e probar a BTT nun ámbido diferente, a competición. O obxetivo: correr tres carreiras ás que por cercanía e data espero poder asistir. 
Pois ben, o domingo 27 de abril debutei e aquí vos deixo as miñas impresións. 
Cando cheguei ó circuito quedei asombrado polo ambiente, a cantidade de xente e o público (entres os que se atopaban: amigos, meu irmán e miña nai). Tras inscribirme, cambiarme e preparar a bici fixen un quencemento de 10´ preto da saída.    
As 16:40 comezou a primeira volta a un circuito que me pareceu impresionante e no que era importante coller unha boa posición no sprint inicial para non sufrir ningún embotellamento debido as súas características: corredoiras moi estreitas con moita pedra, pendentes cortas e moi pronunciadas, un percorrido moi técnico e sen dúbida algunha ideal para unha 29”.
Durante a carreira fun adiantando a varios Master 30 que sairon moi ben e tamén ó quinto clasificado, membro do Club Ciclista Betanzos, quen me adiantou na última volta e non o puiden seguir, sacándome unha vantaxe de 15´´.
Ó final e tras 1h 17´ 01´´, un sexto posto que me sabe moi ben.
 Unha experiencia nova, satisfactoria e que sen dúbida repetirei o vindeiro 31 de Maio no circuito da Barcala, en Cambre"

Ningún comentario:

Publicar un comentario

Nota: só un membro deste blog pode publicar comentarios.