22/06/2012

DESAFIO FRAGAS DO EUME 2012

  
Pola nosa banda, dous foron os participantes no desafío: Miguel e Yiyo. Os dous betanzeiros non quixeron perderse o que foi un fermoso día para a práctica do cilcismo, a pesares de contar con un percorrido  esixente, que se endureceu nos derradeiros quilómetros, cando os participantes subían o alto do Caxado, momento no que  fixo acto de presenza a chuvia.
Nese preciso instante os ciclistas alcanzaban o punto mais alto da provincia de A Coruña, que cos seus 751 metros de altitude, presenta unhas rampas que se situan entorno o 15 %, o seu remate a carón da estación de radar. Atrás quedaron os altos de Aurela, Bico da Costa, Campa do Foxo e Sotavento, nun total de 110 quilómetros.
Hai que destacar a notable actuación dos nosos representantes, pois Miguel conseguiu chegar a meta nun impresionante posto 16º, e Yiyo puido rematar a proba, a pesares dos seus problemas de xeonllo, que a piques estiveron de impedirlle a súa participación, e que dende o alto de Sotavento se incrementaron ata o punto de facerlle dubidar se abandoar, pero o cilcismo ten algo que te impulsa a buscar os teus límites, e ser quén de rematar superando todalas dificultades, bravo polos dous.
 Dicir que a organización estivo brilante en todo momento, poñéndolle a guinda final, con unha espectacular paella, ademais de lacón e patacas cos que agasallaron os ciclistas. Tamén é de reseñar o fermoso detalle que tiveron co presidente do CC Riazor, Roberto, quén acompañou os comensales e foi homenaxeado, logo  do seu recente accidente, que lle impediu participar en este desafío. A bon seguro xá estará pensando no do vindeiro ano, no que tamén estaremos presentes a Peña Monte Xalo, que non podemos faltar a esta espectacular proba ciclista.


https://picasaweb.google.com/106775249419568928211/DesafioFragasDoEume2012

Ningún comentario:

Publicar un comentario

Nota: só un membro deste blog pode publicar comentarios.