28/04/2015

LEBANIEGA JUBILAR BIKE, Potes (Cantabria)

Por Roberto Río Morán:
No fin de semana do 18 de abril despraceime a Potes, capital da comarca da Liébana para participar na Lebaniega Jubilar Bike, marcha cicloturista organizada pola empresa Sportpublic dentro dos eventos para promocionar o ano Jubilar Lebaniego 2017, que terá o seu epicentro no Mosteiro de Santo Toribio de Liebana, lugar onde terminaban as dúas modalidades da primeira edición desta proba ciclista.
Os organizadores deseñaron dous percorridos, un corto de 111 Qm que contaba cas subidas encadeadas a Piedrasluengas, Collada de Ozalba e Collada de Hoz, e un percorrido largo de 184 Qm e menor desnivel medio co corto, onde se subía principalmente Piedrasluengas e San Glorio. Cada un dos percorridos contou con aproximadamente 200 participantes dos territorios do norte da Península e de Castela.
Non facían presaxiar nada bo as precipitacións meteorolóxicas, que anunciaban choivas e frío. Nada mais lonxe da realidade as únicas precipitacións que sufrimos foi un pequeno orballo namentres se facía o acto protocolario de corte de cinta, o que axudou a disfrutar dunha gran mañá de ciclismo.

 Xa en marcha e unha vez pasada a saída neutralizada polas rúas de Potes enfilamos a subida o porto tendido e largo de Piedraluengas. Por suposto, como cada vez que a velocidade e libre e/ou se reparten trofeos na meta excitase o espírito competitivo da maioría de participantes (o meu incluído) o que fai que se estire o pelotón dende o primeiro quilometro de subida e se empecen a descolgar aqueles que o queren tomar con mais calma. Xa a partir do quilometro 10 onde se endurecen lixeiramente as pendentes empezan a producirse ataques dos galos do curral o que fai que se rebente en anacos o numeroso pelotón que aínda rodaba unido. Decido subir tranquilo con medo a saírme de punto ante todo o que quedaba por diante e fago o que resta de ascensión no segundo dos grupos que se formou. Una vez coroados os 27 quilometros de Piedraluengas para a marcha corta, baixada larga e moi tendida dirección Puentenansa pasando o desfiladeiro rochoso impresionante que bordea o Embalse de la Cohilla.
 Dada a falta de gañas de tirar dos meus compañeiros de grupo nesa baixada que se presta tanto a dar pedal e xerar vatios voume so collendo a outros tres ciclistas antes de chegar a Puentenansa onde iniciamos a subida, primeiro á Collada de Ozalba, que fago cun compañeiro asturiano, e despois tras un rápido descenso, á Collada de Hoz onde alcanzo a dous ciclistas cos que xa chegaría a Potes. Tras un descenso incrible e moi técnico da Collada de Hoz chegamos a poboación de La Hermida que se encontra enclavada no medio do desfiladeiro homónimo que conduce ao largo de 20 quilómetros remontando o curso do río Deva a Comarca da Liébana e o corazón dos Picos de Europa. Desfiladeiro precioso e rotundo cunha riqueza de fauna e vexetación que realmente impresiona. Nesta estrada que vai picando sempre cara arriba imos os tres compañeiros a relevos sen afrouxar demasiado o ritmo xa que levamos por detrás un grupo mais numero que se acerca por momentos. Xa en Potes quedaba "unicamente" a subida de 2 quilómetros  o Mosteiro de Santo Toribio cun 900 metros finais infernais con rampas por encima do 15%. Cada un como pode, pegando chepazos e facendo eses, gañamos o ceo nun enclave tan importante para a igrexa católica.
Un avituallamento decente na meta incluíndo pequenos bocadillos de touciño, duchas e a dar boa conta xa por libre da gastronomía Lebaniega incluíndo un lechazo lebaniego de alta categoría.
En definitiva unha mui boa marcha; do mellor no que participou un servidor; con medios organizativos de primeiro nivel incluíndo coches de apoio con avituallamento en marcha así como acompañamento de moto en todo momento por diante de cada grupo; onde se transita por unha zona espectacular para a práctica do ciclismo e outras moitas actividades o aire libre, destacando o montañismo, o que permite complementar perfectamente a viaxe.

Ningún comentario:

Publicar un comentario

Nota: só un membro deste blog pode publicar comentarios.